Լոլա Սասունի անունով՝ Հռիփսիմէ: Ծնած է Բինկեան 1883ին: 1910-ին կը մտնէ Հ.Յ.Դաշնակցութեան շարքերը եւ իբրեւ ծածկանուն կ’ընտրէ Լոլա անունը: 1913-14ին Լոլա մաս կը կազմէ, Համազասպի զինուորական խումբին:
1916 Օգոստոսին, Լոլա կը միանայ ֆետայիներու խումբին:Կը ստանձնէ որբանոցներուն ղեկավարութիւնը : Կ’ամուսնանայ Կարօ Սասունիին հետ: եւ 1918 ին կը հաստատուի Երեւան, կը մասնակցի Սարդարապատի ճակատամարտին:
Հայաստանի անկախացումէն ետք, Լոլան կ’աշխատի Հայաստանի կարմիր խաչ կազմակերպութեան հետ : 1925-ին կը հաստատուի Փարիզ: 1934-ին Փարիզէն կը փոխադրուի Գահիրէ, ապա Հալէպ եւ կը գլխաւորէ ՕգնութեանՄիութեան վարչութիւնը: 1937-ին կը փոխադրուի Պէյրութ եւ մինչեւ իր մահը կը վարէ Լիբանանահայ Օգնութեան Խաչի Շրջանային վարչութեան գործերը:
Երկրորդ Աշխարհամարտի դժնդակ օրերուն, 1942-ին Ջաւօ Շանթին հետ միասին կը հիմնեն «Պնակ մը կերակուր»ի ձեռնարկը: Լ.Օ.Խ.ի աշխատանքներու ծիրին մէջ կը ձեռնարկէ դարմանատուներու բացման: 1954-ին կը հիմնէ Շթորայի կազդուրման կայանը:
1969-ին իր մահկանացուն կը կնքէ իր տան մէջ: Անոր աճիւնը ամփոփուած է Հ.Յ.Դաշնակցութեան Պանթէոնին մէջ:
Մասնաճիւղը հիմնուած է 1971 –ին, Ֆանարի շրջանին մէջ :
Հիմնադիր ընկերուհիներէն են ՝Գարուն Սագոյեան, Մարի Պօղոսեան, Սաթենիկ Գասպարեան, Սրբուհի Եարտըմեան, Երան Քէշիշեան, Թագուհի Տէմիրճեան:
Կը գործէ “Էտկար Ակնունի“ ակումբէն ներս:
