Երեքշաբթի, 12 Մարտ 2019-ին, առաւօտեան ժամը 10:30-ին, «Եոլանտ Ճոմպալաքեան-Քերոբեան» սրտի ճաշարանին մէջ տեղի ունեցաւ դասախօսութիւն մը յատուկ տարեցներուն` ԼՕԽ-ի Շրջանային վարչութեան «Վարդուհի Տեկիրմենճեան» խոհանոցի յանձնախումբին կազմակերպութեամբ:
Օրուան բանախօսն էր Հայր Աւետիք աբեղայ Տէր Կարապետեան, որ խօսեցաւ Քառասնօրեայ Մեծ պահքի իմաստին եւ կարեւորութեան մասին:
Ապա ծերունիները ասմունքով, երգերով եւ սրտի խօսքերով արտայայտեցին իրենց զգացումները:
Աւարտին ծերունիներուն այցելեց Լ.Օ.Խ.-ի «Արցախ» մասնաճիւղի վարչութիւնը:
